БИШКЕК, 8-май — Sputnik. Россиянын президенти Владимир Путин дүйнөдөгү эң таасирдүү делген 10 адамдын катарына кирди. Бул тууралуу РИА Новости YouGov социологиялык кызматына таянуу менен жазып чыкты.
Россия президенти тизмеде алтынчы орунду ээлеп, Далай Ламаны, Индия премьер-министри Нарендра Модини, Facebook социалдык тармагынын ээси Марк Цукербергди, Кытай ишкери Жек Маны жана атактуу футболчу Дэвид Бекхемди артта калтырган.
World's most admired 2016: Putin and the Queen up, Pope Francis and Malala down – https://t.co/N19gz3fzqp pic.twitter.com/Ko0WUlbO3e
— YouGov (@YouGov) 7 мая 2016 г.
Дүйнөдөгү эң таасирдүү айымдардын тизмегин актриса жана режиссер Анджелина Жоли баштаса, экинчиге Улуу Британиянын королевасы Елизавета II татыктуу болгон. Ал эми үчүнчү орунду АКШ президенттигине аттанып жаткан Хиллари Клинтон ээлеген.
Сурамжылоо 30 өлкөдө өтүп, анда катышуучуларга "Сизди кайсыл адам таасирлентет?" деген суроо узатылган.
