БИШКЕК, 8-май — Sputnik. Азербайжандын президенти Илхам Алиев өлкө башчы Алмазбек Атамбаевди жана кыргызстандыктарды Улуу Ата Мекендик согуштагы Жеңиштин 71 жылдыгы менен куттуктады. Бул тууралуу президенттин маалымат кызматы билдирди.
Алиев өз куттуктоосунда каардуу согуш жылдары коңшулаш эл майдандагы кайталангыс каармандыгы менен эрдиги даңктуу тарыхта түбөлүк жазылып калганын белгилейт.
"Согуштагы жана ооруктагы сыноолорду жеңип чыккан элибиздин ортосундагы достук жана өз ара колдошуусу мындан ары да Азербайжан менен Кыргызстан ортосундагы ар тараптуу кызматташууну жана өз ара аракеттенүүнү бекемдеп жана өнүктүрүүгө негиз болот деп ишенем", — деп айтылат Алиевдин куттуктоосунда.
Азербайжан президенти Алиев Атамбаевге согуш жана оорук ардагерлерине, ошондой эле боордош Кыргызстан элине бакыт-таалай, бекем ден соолук жана ийгиликтерди каалады.
