БИШКЕК, 8-май — Sputnik. КР Улуттук банкы, улуттук валютанын киргизилишинин күнүнө карата жана нумизматтардын коллекциялык монеталарга талабын канааттандыруу максатында алтын жана күмүш монеталарын сатуу боюнча аукцион өткөрөт. Бул тууралуу Улуттук банктын маалымат кызматы билдирди.
Маалыматка ылайык, аукцион 18-майда саат Улуттук банкта өтөт. Аукционгө күрөөсүз катышуу мүмкүнчүлүгү каралган.
"Бүгүнкү күндө улуттук валютанын коллекциялык монеталары өзүнүн өзгөчөлүгү менен эле айырмаланбастан, маалыматтын маанилүү булагы жана ошол эле учурда пайдалуу финансылык салым болуп эсептелет. Тажрыйба көрсөткөндөй, кыргыз монеталарынын чектелүү тиражы алардын чынында сейрек экендигин билдирип турат. Биздин монеталардын эксклюзивдүүлүгүн, жогорку сатуу өткөрүмдүүлүгүн сактайт", — деп айтылат билдирүүдө.
Аукционго жеке адамдар жана юридикалык жактар катыша алат. Эсептешүүлөр нак жана нак эмес төлөмдөр аркылуу жүргүзүлөт. Сатып алуучуларга ыңгайлуу шарт түзүү максатында, нак акча менен ошол жерде эсептешүүлөрдү жүргүзүү сунушталат.
