БИШКЕК, 22-апр. — Sputnik. Казакстандын чек арачылары 9-апрель күнү кыргызстандык жаран Эрмек Жолдубаевди нашаа менен кармашкан. Бул тууралуу Новости-Казахстан агенттиги Казакстандын Чек ара кызматына таянуу менен билдирди.
29 жаштагы Жолдубаев Эрмек Ырысбаевич Казакстанга бараткан жеринен "Кордай" пунктунан саат 13.55те кармалган. Андан чек арачылар нашаа табышкан.
"Буга байланыштуу Жолдубаевге карата Казакстандын Кылмыш жаза кодексинин 286-беренесинин 1-бөлүгүнө (Чектөө коюлган буюм же нерселердин аткезчилиги) ылайык сотко чейинки иликтөө иштери башталды", — деп айтылат Чек ара кызматы тараткан маалыматта.
Материалдар ошол эле күнү Кордай районунун прокуратурасына өткөрүлгөн.
Тинтүү учурунда Жолдубаевдин шымынын чөнтөгүнөн 2,3 грамм нашаа табылганы тууралуу айтылат.
Ал эми Башкы прокуратура Интернетте пайда болгон бул маалыматты ошол эле күнү четке каккан.
