БИШКЕК, 20-апр. — Sputnik. Ош облусунун Чоң-Алай райондук хатибиятында аймактагы мечит имамдары нике кыюу эрежелерин сактоону үйрөнүштү. Бул тууралуу Ош облусунун мусулмандар казыятынын маалымат кызматы билдирди.
Маалыматка ылайык, бул үчүн атайын сабактар уюштурулду.
Имамдар ошондой эле мамлекет тарабынан жарандардын никелешүүсүнүн мыйзамдык актылары боюнча укуктук базалардын тартибин дыкат үйрөнүп өздөштүрүүсү зарылдыгы тапшырылды. Чогулушка райондун баш имам хатиби Ташбеков Эрмекбай ажы жетекчилик кылган.
Бул иш-чарага райондогу 30 мечиттин имамдары катышкан.
