БИШКЕК, 16-апр. — Sputnik. КВНдин Жогорку лигасынын чейрек финалдык оюндары жекшемби күнү Россиянын Биринчи каналынан көрсөтүлө турганы Шайырлар жана тапкычтар клубунун эл аралык бирикмесинин сайтында айтылат.
Оюндун 1/4 бөлүгү Москвада өтүп, анда бишкектик "Азия MIX" менен Москва мамлекеттик циркинин курама командасы жарым финалга өттү.
Оюн 17-апрель күнү жергиликтүү убакыт боюнча саат 18.55те Россиянын Биринчи каналынан көрсөтүлөт.
8-апрелде биринчи топтун командалары үчүн чейрек финал өткөн. Жарым финалга регламент боюнча эки команда өттү — "Доброжелательный Роман" (Санкт-Петербург) жана "Радио Свобода" (Ярославль). "Доброжелательный Роман" командасы биринчи орундан дароо жарым финалга өткөнү үчүн 400 миң рублга ээ болду.
Бул сезондо 20 команда күч сынашууда. Былтыр октябрь айында "Азия MIX" КВНдин жогорку лигасынын финалына чыга албай калган.
Ал эми 2015-жылы "Голосящий КиВиН" музыкалык фестивалында байгеге татыган.
