БИШКЕК, 15-апр. — Sputnik. Москвада курулушта иштегендер массалык түрдө ууланса, алардын төртөө КР жараны болуп чыкты. Бул тууралуу Sputnik Кыргызстан агенттигине КРдин Тышкы иштер министрлиги билдирди.
Маалыматка ылайык, уулануу Москва шаарынын Ярцев көчөсүндө жайгашкан курулуш компаниянын жатаканасында болду. Андан Борбор Азиядан барган 73 мигрант жабыркады.
КРдин Тышкы иштер министрлиги ууланган мекендештердин абалын Кыргызстандын элчилиги көзөмөлдөп, жардам көрсөтүп жатканын кошумчалады.
Россиянын Тергөө комитети аталган факты боюнча тергөө жүргүзүүдө.
Ведомствонун билдиргенине караганда, жатаканада 450 адам жашаган. Ал жакка тамак даярдалган түрдө жеткирилип турган.
