БИШКЕК, 12-апр. — Sputnik. Миңге чукул согушкерлер Дераа провинциясында бир жарым ай ичинде курал-жарактарын тапшырды деп билдирди Дераанын губернаторунун орун басары Авад Суидан.
"Ок атууну токтотуу боюнча сүйлөшүүдө жакшы жылыштар бар, бир жарым ай ичинде миңге чукул согушкер курал-жарагын тапшырды. Биз алардын бейкут жашоого толугу менен кайрылып келүүсүнө шарт түздүк", — деди Суидан.
Сириядагы эки тарапты жараштыруу боюнча россиялык борбордун өкүлү Юрий Зраевдин айтымында, провинциянын аймагынын бир бөлүгү "Ислам мамлекети" жана "Жебхат ан-Нусра" террордук уюмдары тарабынан көзөмөлдөнүп турат.
"Бул жерден эки чакырымдан ары эле согушкерлердин позициясы башталат. Азык-түлүк боюнча маселер жаралгандыктан, элге гуманитардык жардам алып келдик",— деди Зраев.
Жергиликтүү бийлик өкүлү өткөн айга салыштырмалуу жарашуу боюнча жыйынтыктар жакшы экендигин, буга Пальмира шаарынын өкмтөттүн аскерлеринин колуна өткөндүгү өзүнүн таасирин тийгизгендигин билдирди.
