"Эль классико" деп аталган оюн Барселона шаарындагы "Камп Ноу" стадионунда.
Топту көзөмөлдөп туруу оюн талаасынын ээсинде болду. "Барселона" чабуулчусу Луис Суарез биринчи таймда топту киргизүүгө эң сонун мүмкүнчүлүк алганы менен аны пайдалана алган жок. Ал эми "Реалдан" Карим Бензема атаандашынан артыкчылык кылганы байкалып турду. Анткен менен биринчи таймда эсеп ачылган жок.
Экинчи таймда "Барселонанын" жылдыздарынын бири Лионель Мессинин жогорку бурчтан күү менен тепкен тобун "Реал" дабразачысы Кейлор Навас манжаларынын учу менен башка жакка бурганга үлгүрдү! Оюндун 82-мүнөтүндө жарым коргоочу Гарэт Бэйл башы менен киргизген голду калыс жаратпай салды.
Беттешүүнүн аяктаарына беш мүнөт калганда арбитр "Реалдын" капитаны Серхио Рамоска сары кагаз көргөзүп, оюндан "узатып" койду. Оюнчулардын саны азайганына карабай, "Реал" оюндун 86-мүнөтүндө экинчи топту киргизди. Бул ирет тагдыр чечкен голду Криштиану Роналду киргизди. Ошентин, коноктор "Барсаны" үйүндө жеңип, эсеп 1:2 болду.
Эми бул командалардын арасында айырмачылык жети упай болду. "Барселона" биринчи орунда (76 упай) турса, "Реалдын" 69 упайы менен үчүнчү орунда бара жатат. Булардын ортосунда 70 упайы менен "Атлетико" турат. Чемпиондукка ат салышууга "Реалдын" теориялык жаткан мүмкүнчүлүгү бар.
