БИШКЕК, 3-апр. — Sputnik. Борбордун "Дордой" командасы "Кара-Балтаны" уткан соң Топ-Лиганын сап башына чыкканын Футбол лигасы билдирди.
Биринчиликте жалпысынан жети команда күч сынашып, ар бир турда бир команда эс алат.
Борбордун "Дордой" командасы үчүнчү турдун алкагында "Кара-Балтаны" 1:6 эсебинде утуп, жети упай топтой алды. Кийинки беттеште "Абдыш-Ата" (Кант) 0:2 эсебинде нарындык "Ала-Тоону" жеңип, алгачкы үч упайын чогултту.
Бүгүн куршабдык "Алдиер" менен бишкектик "Алга" командалары беттешет.
"Дордой" командасы жети упай менен сап башында келе жатат, ал эми "Алай" алты упай менен экинчиде, кийинки орундагы "Абдыш-Ата", "Ала-Тоо" жана "Кара-Балта" командалары үчтөн упай топтогон.
