БИШКЕК, 1-апр. — Sputnik. Бишкек шаарына караштуу Ленин районунун акими болуп Нурдин Тынаев дайындалганын шаардык мэрия билдирди.
Буга чейин акимчиликти аркалап келген Мирлан Аскар уулу өз ыктыяры менен жумуштан кеткен. Ал Sputnik Кыргызстан агенттигинин "кызматтан аталган райондо бак кулап адам өлүмү болгону үчүн кетип жатасызбы?" деген суроого "жок" деп жооп берип, аны жеке маселеге байланыштырды.
Нурдин Тынаев акимчиликке чейин Бишкек шаардык мэриянын аппаратын жетектеп келген. Ал эми мэрдин кеңешчиси Мелис Жунушалиев аппараттын башчысы болуп дайындалды.
