БИШКЕК, 1-апр. — Sputnik. Алмазбек Атамбаев Эсептөө палатасынын төрагасы Улукбек Мариповду кабыл алганын президенттин маалымат кызматы билдирди.
Марипов өлкө башчысына республикалык бюджеттеги каражаттарды натыйжалуу пайдаланууну көзөмөлдөө боюнча жүргүзүлүп жаткан иштер тууралуу маалымат берди.
Анын ичинде мамлекеттик аудит системасын мындан ары реформалоо, аудиттин эл аралык стандарттарына өтүү, мамлекеттик аудит системасында коррупциялык тобокелдиктерди жоюу боюнча жасалып жаткан иштер тууралуу айтты.
Атамбаев мамлекеттик каражаттарды сарамжалдуу пайдаланууну камсыз кылуу боюнча аудитти сапаттуу ишке ашыруу керектигин белгиледи.
