БИШКЕК, 31-мар. — Sputnik. Кыргызстандык мушкерлер Эрмек Сакенов менен Азат Үсөналиев Кытайда өтүп жаткан бокс боюнча лицензиялык турнирдин жарым финалында уттуруп койгону менен азырынча Олимпиада оюндарына катышуу үчүн жолдомо алууга мүмкүнчүлүгү бар. Бул тууралуу Мамлекеттик жаштар иши, дене тарбия жана спорт агенттиги билдирди.
Ал эми былтыр Азия чемпиону болгон Азат Үсөналиев (52 кг) жарым финалда өзбек мушкер Шакхобиддин Зоировдон утулуп калды. Эми коло медаль үчүн Үсөналиев казакстандык спортчу Олжас Саттимбаев менен күч сынашат.
Регламент боюнча Олимпиадага жолдомого финалга чыккан эки спортчудан тышкары коло медалга ээ болгон мушкер да ээ болот.
Кыргызстандын жагы бир өкүлү Эркин Адылбек уулу (81 кг) жарым финалдык беттешүүсү бүгүнкү күндүн кечине белгиленген.
