БИШКЕК, 15-мар. — Sputnik. Америкалык окумуштуулар үй-бүлөдө экинчи бөбөк пайда болгондон тарта улуусунун ашыкча салмак алуусу үч эсеге азаярын, ал баланын кийинки жашоосун да коштоорун айтышты. Бул туурасында Pediatrics журналы жазып чыкты.
"Экинчи баланын төрөлүшү менен эгерде улуусу экиден төрт жашка чейинки куракта болсо, толуп же кант диабетине кабылышы кескин азаят. Азырынча себебин так аныктай элекпиз. Бул балким, баланын көбүрөөк кыймылдашына байланыштуу", — деп айткан аталган университтин кызматкери Жулия Луменг.
Иликтөөгө алынгандар мектепке барган учурда алардын классындагы бир тууганы жок балдардын 13 пайызы жогорудагы илдеттерге чалдыкканы анык болгон.
Окумуштуулар азырынча мунун себебин илимде так аныктай элек. Үйдө экинчи бөбөк пайда болгондо улуусуна ата-энеси көбүрөөк көңүл бура албай, балким тамакты жетишерлик жебей калышынан улам болушу мүмкүн дешти.
