БИШКЕК, 14-мар. — Sputnik. Ички иштер министри Мелис Турганбаев мурда соттолгон кишилер укук коргоо органдарына пара берип кирген фактылар аныкталып жатканын Жогорку Кеӊештин парламенттик көпчүлүк коалициясынын жыйынында депутат Канат Исаевдин суроосуна жооп берип жатып билдирди.
Учурда өкмөт башчысы 2016-жылы Кыргызстандын социалдык-экономикалык жактан туруктуу өнүктүрүүнү камсыз кылуу боюнча маалымат берүүдө.
Өкмөт башчы мамлекеттин коопсуздугу биринчи орунда туруш керектигин айтып, далилдүү фактылар болсо кат түрүндө кайрылууну суранды.
Ал эми ички иштер министри Мелис Турганбаев милицияда мурда соттолгон кишилер иштеп жаткан фактылар бар экенин айтып, аракеттер көрүлүп жатканын айтты.
"Мындай адамдар тууралуу маалыматтар компьютерге киргизилген. Учурда аларды аныктоо боюнча аракеттер көрүлүүдө. Жыл аягына чейин алардын кимдер экенин аныктап чыгабыз", — деди ал.
Жогорку Кеңештин депутаты Канат Исаев далилдүү фактыларды бере турганын кошумчалады.
