БИШКЕК, 14-мар. — Sputnik. Билим берүү системасындагы реформалоонун алкагында башталгыч класстын мугалимдери жаңы стандарттарды өздөштүрө баштады. Бул тууралуу Билим берүү жана илим министрлиги билдирди.
Маалыматка ылайык, окутуучулар үчүн тренингдер бүгүн башталып, Бишкек шаары менен Нарын, Талас, Ысык-Көл жана Жалал-Абад облустарында 18-мартка чейин уланмакчы.
Ал эми 20-марттан баштап Ош шаары менен Ош жана Баткен облустарында өтсө, Чүй облусунун мугалимдери үчүн окуулар 15-19-март күндөрүнө белгиленген.
Тренинг жүрүшүндө катышуучулар жаңыланган нормалар менен таанышып, окуу-методикалык комплексти пайдалануунун ыкмалары сунушталат. Жалпы жонунан аталган иш-чарага 10 миңге чукул башталгыч класстын мугалими менен 1500 директорлордун орун басарлары катышмакчы.
