БИШКЕК, 14-мар. — Sputnik. Тамак-аш департаменти жоюлгандан тарта бир катар өзгөрүүлөр болгонун Бишкек шаардык мэриясынын маалымат кызматы билдирди.
Аталган департамент бир канча ирет балдардын уулануусунан жана коррупциялык айыптардан улам жабылган. Анын милдеттери райондук администрацияларга жана Бишкек шаардык билим берүү башкармалыгына өткөрүлүп берилген.
Маалыматка ылайык, билим берүү башкармалыгынын адистери шаар мэриясынын кызматкерлери менен биргеликте мектеп жана бала бакчалардагы берилип жаткан тамак-аштын сапатын жана санитардык нормаларын текшерди.
"Текшерүүнүн жүрүшүндө санитардык эреже бузуулар байкалган эмес. Балдарга берилип жаткан азык-түлүктөрдүн сапаты боюнча такай көзөмөл жүргүзүлүп жатат. Буга байланыштуу доомат жок", — деп билдирет маалымат кызмат.
Коррупцияны жоюу максатында атайын механизмдер иштелип чыккан. Ага ылайык, 2016-жылга карата ашканалар боюнча тендер өткөрүлдү.
