Саунада чогуу эс алып күзөтчүлөрдөн качып кеткен Азатбек Алымкулов кармалды

Жазылуу
Yandex newsTelegram
Издөөгө алынган жаран күзөтчүлөр менен саунада чогуу эс алып жүргөн жеринен качып кеткен болчу.

Тергөө иштерин улантуу максатында окуя болгон жерге 26-февралда алып келинип, качып кеткен айыпталуучу Азатбек Алымкулов кармалды. Бул тууралуу Чүй облустук ИИББдин маалымат кызматы билдирди. 

Маалыматка ылайык, ал "Туңгуч" кичи районунан кармалган. Башкаларга билинбөө үчүн ал боюнда бар аялдай болуп кийинип, бетине упа сүйкөп алган.

Сурак учурунда ал мас болгондуктан качып кеткенин айтты.

"Качып кетүүмдүн максаты деле жок болчу. Болгону мас болуп калыптырмын. Көчөдө, подьезде жашап жүрдүм", — дейт кармалган айыпталуучу.

Кол кишен. Архив - Sputnik Кыргызстан
ИИМ академиясынын курсанттары кылмышкерлерди кармашты
Белгилей кетсек, качып кеткен жаран май куюучу жайдын кызматкеринин жарым миллион сомдон ашык акчасын карактаган деп кармалган болчу. 

Эске салсак, аны кармоо үчүн ошол күнү эле "Сирена" планы киргизилген.

Чүй ИИББдин маалыматына ылайык, 1989-жылы туулган Азатбек Алымкулов Нарын облусунун Жумгал районунда төрөлгөн. Бишкек шаарында "Түштүк-2" кичи районунда №2 үйдүн 42-батиринде жашап келген.

Ал КРдин Кылмыш жаза кодексинин 168-беренеси (Каракчылык) боюнча соттолууда.

Жаңылыктар түрмөгү
0