Поезд коюп кеткен кишинин териси алмаштырылышы мүмкүн

Жазылуу
Yandex newsTelegram
Темир жолдон поезд уруп кеткен кишини №4 шаардык ооруканага оор абалда алып келишкен.

БИШКЕК, 4-мар. — Sputnik. Борбор калаадан поезд уруп кеткен кишинин териси алмаштырылышы мүмкүн. Бул тууралуу №4 шаардык оорукананын башкы дарыгери Алмаз Кубатбеков Sputnik Кыргызстан маалымат агенттигине билдирди.

Аталган окуя бейшемби күнү эртең менен Лев Толстой жана Курманжан датка көчөлөрүнүн кесилишинен орун алган

"Тез жардам" кызматынын дарыгерлери кишинин мээси чайкалып, денеси көгала болгонун, көкүрөгү жана ичинен жаракат алып, буту сынганын белгилешкен.

Кубатбековдун айтымында, 22 жаштага кишинин абалы турукташты. Бирок жандандыруу бөлүмүндө жатканын жана кабыргалары да сынганын кошумчалады.

"Анын абалына эртеңкиге чейин көз салабыз. Эгер бары жайында болсо палатага которобуз. Ал эми оор болсо жандандыруу бөлүмүндө калат", — деди ал.

Башкы дарыгер жабыркаган киши жол кырсыгынан улам көп жаракат алгандыктан териси алмаштырылышы мүмкүндүгүн айтты.

Жаңылыктар түрмөгү
0