БИШКЕК, 22-фев. — Sputnik. Казакстан Кыргызстан менен Тажикстанга унаа ташууга белсенип жатканы тууралуу маалымат Чыгыш Казакстан облусунун жетекчисинин сайтында жайгаштырылган.
Аталган облустун акими Даниал Ахматов Lada унаасын ташуу боюнча алдын ала сүйлөшүүлөрдү Кыргызстан менен Тажикстанга болгон иш сапарынын алкагында жүргүзгөн. Негизинен Ахметов Кыргызстандын вице-премьери Олег Панкратов жана Тажикстандын өкмөт башчысынын орун басары Азим Ибрахим менен жолугушкан.
"Тараптар соода-экономикалык мамилелерди тереңдетүү маселелерин талкуулап, аталган мамлекеттерди Lada унаасы менен камсыздоо боюнча сүйлөшүүлөрдү жүргүздү", — деп айтылат билдирүүдө.
Маселенин бардык ой-чуңкурун атайы түзүлгөн жумушчу топ Кыргызстан менен Тажикстанга болгон иш сапарынын алкагында иликтейт.
