Facebook өзүн өзү өлтүрүүнүн алдын алат

БИШКЕК, 22-фев. — Sputnik. Facebook социалдык тармагы пайдалануучуларынын өзүн өзү өлтүрүүсүнөн коргоого алган жаңы кызматты ишке киргизе турганын Sky News басылмасы билдирди.

Эгер пайдалануучулар досторунун жанын кыюуга белсенген аракетин байкап калса, аларга атайын белги коюп, тармактын администрациясынын көзөмөлүндө болуусун камсыздайт. Мындай адамдарга бирөө жарым менен сүйлөшүү же психолог менен жолугушуу сунушталган билдирүү келет.

Facebook Rolls Out Anti-Suicide Tool In UK https://t.co/wpg1RsjJi0 pic.twitter.com/VWVyLYW232

— Ivy (@ivy1428ivy) 19 февраля 2016

"Саламатсызбы, досуңуз сиздин кыйын кырдаалды башыңыздан өткөрүп жатканыңызды айтып, буга чейин жазгандарыңызды карап көрүүнү сунуштады", — деген билдирүү келиши мүмкүн.

Андан соң пайдалануучуга "Азыр эмне кылгыңыз келип жатат?", "Сиздин ордуңуз биз үчүн аябай маанилүү, андыктан муктаж болсоңуз биз сизге жардам берүүгө дилгирбиз", "Сиз жалгыз эмессиз. Мындай жардамды биз күн сайын көп сандаган адамдарга көрсөтөбүз", "бирөө жарым менен сүйлөшөсүзбү (досуңуз же адис менен)" деген сыяктуу билдирүүлөр келет. 

Басылма бул жаңы кызмат Улуу Британия, АКШ Австралия жана башка европа өлкөлөрүндө тартууланганын белгилейт.