БИШКЕК, 19-фев. — Sputnik. Кыргызстандын футзал боюнча курама командасы Австралиянын оюнчуларына жеңилип, дүйнө биринчилигине баруу мүмкүнчүлүгүн колдон учурду.
Бул оюн 2016-жылы Колумбияда өтүүчү футзал боюнча дүйнө биринчилигине жолдомо алуунун алкагында болду.
Мурдараак Кыргызстандын курама командасы чейрек финалда жеңилип, мелдештен четтеген.
Жарым финалга чыккан төрт команда автоматтык түрдө дүйнө биринчилигине катышат. Бешинчи жолдомо калган төрт командалар арасында ойнотулду. Кыргызстан жолдомого ээ болуу үчүн эки команданы жеңүүсү керек болчу. Биринчи беттеште Япондорду жеңип, экинчи оюнда Австралияга 3:1 эсебинде утулду.
Ушуну менен Кыргызстан дүйнө биринчилигине баруу укугунан ажырады.
