БИШКЕК, 18-фев. — Sputnik. Экономикалык кылмыштуулукка каршы күрөшүү башкармалыгынын Чүй облусу боюнча кызматкерлери Салык кызматы менен биргеликте ири көлөмдө салык төлөөдөн качкан компанияны аныктады.
Маалыматка ылайык, "Ойл Менеджмент Групп" ЖЧКсы салык төлөөдөн качып, мамлекетке 47 миллион сом зыян алып келген. Аталган факты боюнча Кылмыш жаза кодексинин 213-беренеси ("Салык төлөөдөн качуу") боюнча кылмыш иши козголду.
Учурда анын 31,3 миллион сомдук салык карызы кайтарылды. Тергөө иштери жүрүп жатат.
