БИШКЕК, 4-фев. — Sputnik. Россиядан депортацияланып келген уулунун аты-жөнүн толугу менен өзгөртүп, кайра жиберип жиберген Чүй облусунун ЗАГС кызматкерине карата кылмыш иши козголгонун ИИМ билдирди.
Мыйзам боюнча ЗАГС кызматкерлери өзүнүн, үй-бүлө мүчөлөрүнүн, тууган-туушкандарынын жарандык актыларын каттоого акысы жок.
Ага карабастан 2013-жылы аталган облустагы райондук ЗАГС бөлүмүнүн кызматкери Россиядан депортацияланып келген уулунун аты-жөнүн өзгөртүп, башка идентификациялык маалымат менен кайра жиберип жиберген. Мындан тышкары, анын никеге тургандыгы тууралуу мыйзамсыз акт каттап, күбөлүк бергени аныкталган.
Бул факты боюнча прокуратура Кылмыш жаза кодексинин 304-беренесинин (Кызмат абалынан кыянаттык менен пайдалануу) негизинде кылмыш ишин козгоду. Учурда тергөө иштери жүрүп жатат.
