БИШКЕК, 31-янв. — Sputnik. Ош шаарында Улуттук Кулатуу Эр таймаш ММА (Аралаш жоокердик өнөр) боюнча профессионалдар арасында матчтык жолугушуу болуп өттү.
Анда Кыргызстан менен Тажикстандын балбандары 12 ирет беттешип, 14 рейтингдик таймаш өткөрүштү.
Бул матчтын бардык катышуучулары SHERDOG дүйнөлүк рейтинг порталына кирет. Беттешүүлөрдүн жыйынтыгы менен кыргызстандыктар Тажикстандын курама командасынан күчтүү экени анык болду. Мелдеш 11:1 эсеби менен аяктады.
Федерация өкүлдөрүнүн айтымында, үстүбүздөгү жылдын февраль айында Бишкекте Кыргызстан менен Дагестандын (Россия) беттешүүсү өтө турганын кабарлашты. Анда Кыргызстандын атынан 14 балбан чыкмакчы.
Кулатуу кыргыздын кол менен салгылашуу боюнча "Мушташ" эрежесинин багыттарынын бири болуп саналат. Ал эми кол менен салгылашуу мектептерине "Эр сайыш", "Оодарыш", "Күрөш", "Кулатуу", "Камбартеп", "Тай тебиш", "Коен тебиш" жана башкалар кирет.
