БИШКЕК, 31-янв. — Sputnik. Бишкек — Ош унаа жолундагы Төө-Ашуунун Көлбаев атындагы туннелде видеокамералар орнотулганын ӨКМ билдирди.
Маалыматка ылайык, аталган кан жолдо жол коопсуздугун сактоо жана унаа агымын көзөмөлдөө үчүн коюлган камералар кыймылга он-лайн режиминде көз салууга шарт түзөт. Мындан тышкары, бул аракет калктын Бишкек — Ош жолу боюнча каттамын пландаштырууга өбөлгө болмокчу.
Туннелге видеокамералар Өзгөчө кырдаалдар министрлиги, Транспорт жана коммуникация министрлиги менен "ЭлКат" ишканасы тарабынан жеке-мамлекеттик өнөктөштүктүн негизинде орнотулду.
