БИШКЕК, 20-янв. — Sputnik. Бишкектин Биринчи Май районундагы 21 мектеп менен 14 бала бакчага онлайн-видеокөзөмөл камералары орнотулганын мэрия билдирди.
Маалыматка ылайык, мындай аракет мекемелердеги балдар коопсуздугун күчөтүү, өспүрүмдөр арасындагы мыйзам бузуулардын алдын алуу, имараттарды көзөмөлгө алуу максатында көрүлдү.
"Бардыгы болуп 35 мекемеге 392 көзөмөл камерасы коюлду", — деп айтылат билдирүүдө.
Муну менен бирге "Коопсуз мектеп" жана "Коопсуз бала бакча" долбоорлору сыноодон өтөт.
