БИШКЕК, 30-янв. — Sputnik. Кыргызстанда алгачкы жолу футболдук карьерасы токтотулган спортчулар арасында таймаш өткөрүлөт. Анда 35-40 жаш чамасындагы спортчулар катыша тургандыгын Sputnik Кыргызстан агенттигине Футбол федерациясынан билдиришти.
Учурда эки курама топ даяр болуп, каалоочуларды каттоо уланып жатат.
"Бизде 40 жаштан жогору футболчулар арасында биринчилик өткөрүлүп келет. Бирок, көпчүлүгү карьерасын эрте эле токтотуп коюшат. Буга ылайык, 35-40 жаш курактагылар арасында өткөрүүнү туура көрдүк", — деп билдиришти федерациядан.
Белгилей кетчү нерсе, турнир апрелден тарта ноябрь айына чейин өткөрүлөт. Спорттук таймашка жети-сегиз топ катышат.
