БИШКЕК, 30-янв. – Sputnik. Республиканын айрым аймактарында 31-январь күнү кардын катуу жаашы күтүлөөрүн Өзгөчө кырдаалдар министрлигинен билдиришти.
"Эртең абанын температурасы кыйла төмөндөйт. Тоолуу аймактардагы унаа жолдоруна кар күрткү пайда болуп, жолдор тоңуп, тайгак болот",— деп жазылат маалыматта.
Ош, Жалал-Абад, Чүй өрөндөөрүндө жана Баткен облусунун дыйканчылык аймактарында түнкүсүн 7…12°, күндүз 0…5° суук болот.
Талас өрөөнүндө жана тоо этектеринде түнкүсүн суук 10…15°, күндүз 1…6°,, Ысык-Көл ойдуңунда түнкүсүн 7…12°, күндүз 2…7°, Нарын облусунун дыйканчылык аймактарында жана тоолуу райондордо түнкүсүн 20…25°, күндүз 10…15°ка жетет.
Бийик тоолуу райондордо түнкүсүн 25…30°, күндүз 13…18° суук болушу күтүлөт.
