Антон Землянухин Таиландда мастер-класс көрсөттү

Жазылуу
Кыргызстандын футбол боюнча улуттук командасынын жарым коргоочусу Антон Землянухин Таиланддагы жаңы клубдагы машыгуу маалында топ тебүүнүн чеберчилигин көрсөтүп берди.

Улуттук команданын жарым коргоочусу жакында эле Таиланддын "Сисакет" футболдук клубу менен келишимге кол койду. Макулдашуу бир сезонго түзүлдү.

Жыл жыйынтыгы боюнча Кыргызстандын мыкты футболчулары аныкталды
Землянухин машыгуу учурунда теннис тобу менен ойноонун чеберчилигин көрсөтүп, андан кийин футбол тобу менен мастер-класс тартуулады.

"Сисакет" клубу жаңы сезондо Таиланд чемпионатынын премьер-лигасында ойномокчу. 2015-жылы команда 18 топтун ичинен 13-орунга илинген. Таиланддын жаңы сезону март айында башталат.

Ал эми Кыргызстандын курама командасынын мыкты чабуулчусу Антон Землянухин 2015-жылы Сербиянын премьер-лигасында "Раднички" клубу үчүн ойногон. 29 оюнда ал 5 гол киргизүүгө жетишкен. Землянухин 2015-жылдын жыйынтыгы менен Кыргызстандын мыкты футболчусу деп таанылган.

Жаңылыктар түрмөгү
0