БИШКЕК, 25-янв. — Sputnik. "Кумтөр" кенинде кокустуктун айынан бир жумушчу каза болгонун компаниянын маалымат кызматы билдирди.
Кырсык иш учурунда болгон, маалыматтарда иштеп жатып жумушчу таш майдалаган техниканын ичине кирип кеткен. Окуя тууралуу каза болгон кишинин үй-бүлөсү жана тийиштүү мамлекеттик органдар кабардар болгону маалымдалды.
Ысык-Көл облусунун ИИБи Sputnik Кыргызстан агенттигинин кабарчысына жумушчу этиятсыздыктын айынан таш майдалоочу техникага кирип кеткенин билдирди.
Алтын кенген окуянын чоо-жайын иликтөө үчүн Жети-Өгүз РИИБдин тергөө комитети келди. Ал эми компания кырсыкты ички териштирүүгө алды.
Мындан тышкары, Мамлекеттик экологиялык жана техникалык коопсуздук боюнча инспекциясы атайын тергөө комиссиясын түздү. Ал жакын арада кенге чыга турганы айтылууда. Тергөөнүн жыйынтыгы кийинчерээк белгилүү болмокчу.
