БИШКЕК, 22-янв. — Sputnik. Sputnik Эл аралык агенттиги жана радиосу өзөктүк энергетика, коопсуздук жана эл аралык мамилелер боюнча алдыңкы маалымат булактарынын катарына кирген.
Sputnik агенттигинин материалдары Гарвард университетинин илим жана эл аралык мамилелер боюнча Белфер борбору тарабынан чыгарылган өзөктүк терроризмдин алдын алуу боюнча россия-америкалык демилгенин атынан жаңылыктар түрмөгүнө киргизилген.
Анда өзөктүк терроризмдин алдын алуу боюнча россия-америкалык демилгенин ишмердүүлүгүнө байланыштуу 2016-жылдын 4-15-январында жарык көргөн материалдар сунушталган. Бул макалалар өзөктүк электр станцияларындагы киберкоопсуздук, Иранга россиялык С-300 системалардын жеткирилиши жана Сириядагы "Ислам мамлекети" согушкерлери тууралуу Россия менен АКШнын ортосундагы маалымат алмашууга арналган.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik өз окурмандарына маалыматтарды күнү-түнү англис, араб, испан жана кытай тилдеринде сунуштайт.
