БИШКЕК, 20-янв. — Sputnik. Кемин районундагы Орловка шаарына жакын жерден 45 кой оор металл – селитра нитарынан жана цинктен ууланып өлгөн. Бул туурасында Кемин районунун агрардык өнүктүрүү башкармалыгынын жетекчиси Калыбек Мурсазаиров Sputnik Кыргызстан маалымат агенттигине билдирди.
Анын айтымында, лабораториялык анализдин жыйынтыгы ушундай корутунду чыгарган.
20 Үчтүн айы 2016, 09:18
Белгилей кетсек, январь айынын ортосунда фермер Хусейн Салпагаровго тиешелүү 45 кой кырылып калган. Ал малынын кырылып калганын эртең менен короосуна киргенде көргөн. Окуя болгонго чейин Салпагаров коюн иштебей турган Кемин химия-металлургиялык заводго жакын жерге жайган.
Орловка шаарынын мэри Жумгалбек Дүйшөбаев тийиштүү анализдер чыккандан кийин гана малдын кырылышына ким күнөөлүү экенин сот аныктай турганын билдирди.
Шаар мэри сейрек кездешүүчү элементтер чыгуучу химия-металлургиялык завод 1991-жылдан кийин толук иштебей, учурда токтоп турганын кошумчалады.
