БИШКЕК, 16-янв. — Sputnik. Чүйдүн Орловка шаарында 45 баш кой өлгөнүн ӨКМ билдирди.
Маалыматка ылайык, мал фермер Хусейн Салпагаровго тиешелүү болгон. Ал койлорунун кырылып калганын эртең менен короосуна киргенде көргөн. Ошол эле жерден окуянын чоо-жайын иликтөө үчүн 10 кишиден турган комиссия түзүлгөн.
Мал ферма Орловкадан үч чакырым алыстыкта жайгашкан. Койлор туруп калган Кемин химия-метоллургиялык заводдун жанында оттогону жана заводдун аймагынан агып чыккан суудан ичкени аныкталган.
Алдын ала маалымат боюнча малдын ууланып өлгөнү айтылууда.
Министрлик суу экспертизага жөнөтүлүп, мал жерге көмүлгөнүн белгиледи.
