БИШКЕК, 20-янв. — Sputnik. Азырынча "Электрондук жана почта байланышы жөнүндө" мыйзам ишке ашпай турганын Мамлекеттик байланыш агенттиги Sputnik Кыргызстан маалымат агенттигине билдирди.
Мыйзамда башка операторго өтүү маалында абоненттердин телефон номерин толугу менен сактоо мүмкүнчүлүгүн бекитүү каралган. Аталган мыйзам 2016-жылдын 1-январынан тарта күчүнө кирмек.
Мындан тышкары, мыйзамда Кыргызстандын аймагында операторду алмаштырып жатып номерди сактоо принциптери өкмөт тарабынан иштелип жана бекитилген жобонун негизинде ишке ашуусу каралган. Бирок, 1-январга карата өкмөттүн актылары даяр болбогондуктан, мыйзам ишке белгиленген мөөнөттө кирбей калды. Мунун себептери азырынча айтыла элек.
Бүгүнкү күндө бул мыйзамдын ишке кирүүсү ачык бойдон калууда.
