БИШКЕК, 20-янв. — Sputnik. Бишкек шаарынын "Көк-Жар" конушунда өзүм билемдик менен үй салынган жер мэриянын карамагына өткөрүлдү. Бул тууралуу Бишкек мэриясынын маалымат кызматы билдирди.
Жеке турак-жай куруу департаменти "Көк-Жар" конушунда муниципалдык жерге эч кандай документтери жок мыйзамсыз салынган үйдү аныктаган.
Аталган департамент Бишкектин райондор аралык сотуна кайрылган, сот өз чечимин департаменттин пайдасына чыгарган.
Маалымат кызматы учурда жер мэриянын карамагына кайтарылгандыгын билдирди.
