БИШКЕК, 19-янв. — Sputnik. Былтыр Жалал-Абад облусунда 10 миллион 643,5 миң сомдук 432 баш мал уурдалганын Жалал-Абад облустук ИИБдин маалымат кызматы билдирди.
Маалыматка ылайык, уурдалган малдын 264тү ээлерине кайтарылган
Облустук ички иштер башкармалыгынын билдиришинче, уурулар айдай качкан 78и жылкынын 40кы табылып, ээсине кайтарылган. Андан сырткары ири мүйүздүү 170 мал уурдалса, анын 120сы ээсин тапкан. 184 майда жандык уурдалып, анын 104түн укук коргоо органдары кайра кожоюндарынын колуна тапшырган.
Бирок, мурдагы жылга уурулук салыштырмалуу азайган. 2014-жылы облус аймагында уурулар 637 малды айдай качып, анын 287си (жети миллионго сомго чукулу) ээсине кайтарылган.
