БИШКЕК, 14-янв. — Sputnik. Бүгүнтөн баштап Кыргызстандын бардык аймагында дизель отунуна болгон баа 2 сомго арзандаганын нефтетрейдерлер ассоциациясы билдирди.
Маалыматка ылайык, мындан тышкары, Аи-95 маркасындагы бензин 1 сомго, Аи-80 — 50 тыйынга жана Аи-92 түндүк райондордо 2, ал эми түштүк аймакта 1 сомго арзандаган.
Ассоциация күйүүчү майга болгон баанын төмөндөшүнө мезгилдик фактор жана чийки нефтинин арзандашы таасир этип жатканын белгилейт.
