БИШКЕК, 13-янв. — Sputnik. АКШ президенти Барак Обама "Ислам мамлекети" террористтик уюмуна каршы курал пайдаланууга уруксат берүүгө чакырды. Бул тууралуу ал конгресс алдындагы сөзүндө билдирди.
Анын айтымында, эгер бул конгресс ИМ менен болгон согушту жеңүүгө белсенген болсо, анда аталган террористтик уюмга каршы курал пайдаланууга уруксат бериши керек.
13 Үчтүн айы 2016, 10:12
"Бирок америка эли конгресстин макулдук берүүсүнө же баш тартуусуна карабастан "Ислам мамлекети" террористтик уюму ага чейин террорчулар алып келген сабакты аларын билиши зарыл. Эгер сиздер адилеттүүлүктү орнотууга менин же Американын күчү жетпейт десеңиздер Усама бен Ладенден сурап көрүңүздөр", — деди президент 2011-жылы "Аль-Каида" террористтик тобунун лидери Усама бен Ладенди жок кылуу операциясын эске салып.
Ушу кезге чейин Америка конгресстин уруксатысыз эле президенттик укукка таянып ИМге сокку уруп келген. Конгресстин макулдугу милдеттүү болбогону менен согуштук аракеттердин мөөнөтүн узартууга жол ачат.
