БИШКЕК, 13-янв. — Sputnik. Сирия менен Ирактагы "Ислам мамлекети" террордук тобуна каршы АКШнын күрөшүү аракеттери 10-20 жылга чейин созулушу мүмкүндүгүн АКШнын борбордук чалгындоо башкармалыгынын мурдагы директорунун милдетин аткаруучу Майкл Морелл билдирди.
"Мен так мөөнөттү айта албайм. Балким ал 10, 15, 20 жылга чейин созулушу ыктымал", — дейт ал.
2003-жылы АКШ Иракта Саддам Хусейндин бийлигине каршы аскерий кампанияны баштаган. Анын бийлиги кулатылгандан кийин өлкө аймагындагы түрдүү куралдуу күчтөргө карата аскерий операцияларын жүргүзгөн. 2011-жылы АКШнын аскерлери Ирактан чыгарылганы менен жергиликтүү күч түзүмдөрүнө кеңеш берүү үчүн Американын аскер кеңешчилери менен инструкторлор калган. 2015-жылы АКШ Ирак менен Сириядагы "Ислам мамлекети" террордук тобу менен күрөшүү үчүн атайын даярдыктагы аскерлерин жөнөткөн.
