БИШКЕК, 5-янв. — Sputnik. Ирандын президенти Хасан Роухани Эр-Рияддын дипломатиялык байланыштарды үзүп салуу чечими Сауд Аравиясына шиит диний үгүтчүсү Нимр ан-Нимрди "кылмыштуу" жазалоосун жашырууга жардам бербейт деди. Бул туурасында РИА Новости Рейтер агенттигине таянуу менен кабарлады.
"Сауд Аравиясы өзүнүн кылмышын — диний лирдерди жазалагандыгын — Иран менен болгон алакасын үзүп салуу менен жаап-жашыра албайт", — деп айтты Роухани Даниянын ТИМ министри Кристиан Женсен менен жолугуп жатканда.
Ишемби күнү Сауд Аравиясынын ИИМи шиит диний үгүттөөчүсү Нимр ан-Нимрди баш кылып 47 кишини өлүм жазасына тартканы тууралуу билдирүү тараткан. Тегеран үгүтчүнүн өлтүрүлүшүн катуу сынга алып, Иранда массалык нааразылык акциялар өткөн. Сауд Аравиянын Тегеран жана Мешхед шаарларындагы дипломатиялык мекемелер алардын чабуулуна кабылган. Сауд Аравиясынын Тышкы иштер министри Адиль аль-Жубейр Иран менен дипломатиялык мамилени үзгөнүн билдирген.
