БИШКЕК, 1-янв. — Sputnik. Алмазбек Атамбаев сатуудан түшкөн салыкты этап-этап менен жоюу жолу менен Кыргыз Республикасынын салык системасынын атаандашуу жөндөмдүүлүгүн камсыз кылууга багытталган мыйзамга кол койду. Бул тууралуу президенттин маалымат кызматы билдирди.
Мыйзам Салык кодексине жана "Салык кодексин ишке киргизүү жөнүндө" мыйзамга түзөтүүлөрдү киргизет жана Кыргызсандын ЕАЭБ мүчө болуусунун шарттарында сатуудан салыкты этап-этап менен жоюу жолу менен Кыргыз Республикасынын салык системасынын атаандашуу жөндөмдүүлүгүн камсыз кылууга багытталган.
Ошол эле учурда 2016-жылдын 1-июлунан тартып сатуудан салыктын төмөндөгү ставкалары бекитилет: КНС салынган жана/же төлөнгөн КНС бошотулган товарларды, жумуштарды, кызмат көрсөтүүлөрдү сатууда: а) накталай 1 пайыз өлчөмүндө – соода ишмердиги үчүн жана башка ишмердик үчүн – 2 пайыз; накталай эмес формада 0 пайыз өлчөмүндө.
Сатуудан салык ставкасы банктар үчүн 2 пайыз жана уюлдук байланыш тармагындагы ишмердүүлүк үчүн 5 пайыз каралган.
Ошону менен бирге, тамак аш жана айыл чарба азыктарын кайра иштеткен өнөр жай ишканалары үчүн колдонуудагы киреше салыгы жана КНС боюнча жеңилдиктер 2018-жылдын 1-сентябрына чейин сакталат.
Мыйзам 2016-жылдын 1-июлунан тартып күчүнө кирген айрым ченемдеринен башкалары, 2016-жылдын 1-январынан тартып күчүнө кирет.
