БИШКЕК, 1-янв. —Sputnik. Президент Алмазбек Атамбаев "Кыргыз Республикасынын 2016-жылга республикалык бюджети жана 2017-2018-жылдарга божомол жөнүндө" мыйзамына кол койду. Бул тууралуу мамлекет башчынын маалымат кызматы билдирди.
Мыйзамда республикалык бюджеттин кирешелери расмий трансферттер менен 124,4 миллиард сом суммасында бекитилет, бул ИДПга карата 24,8 пайызды түзөт. 2016-жылы республикалык бюджеттин чыгашаларынын көлөмү 146,8 миллиард сомдун, же ИДПга карата 29,3 пайыздын денгээлинде белгиленген.
Мамлекеттик карыздарды тейлөөгө 2016-жылы 21 870 миллион сом пландаштырылууда.
2016-жылы капиталдык салымдар 4 760,9 миллион сом суммасында каралган.
