БИШКЕК, 1-янв. — Sputnik. Кыргызстанда иштегендердин арасында аялдарды кызмат көрсөтүү тармагы көп кызыктырат. Бул тууралуу Улуттук статистикалык комитеттин отчетунда айтылат.
Маалыматка ылайык, дүкөн, кафе жана чач тарачканада иштегендердин 46 пайызы аялдар.
Андан сырткары дыйкан чарбасында иштеген аялдардын саны жыл санап өсүүдө. Азыр жүз кишинин 45и аялдар. Беш жыл мурда алардын саны жүз кишиге 39 туура келчү.
Ошондой эле, өнөр жайда иштеген аялдардын саны өсүүдө. Учурда алардын пайыздык көрсөткүчү 44 пайызга барабар.
Курулуш тармагында аялдар дээрлик жок. Жыйырма курулушчуга бир гана аял туура келет.
