Sputnik Кыргызстан маалымат агенттиги 2015-жылы дүйнөдөгү жана Кыргызстандагы эң мыкты сүрөттөрдүн топтомун сунуштайт.
Узап бараткан жыл өз кубанычы жана кайгылуу окуялары менен эсте калды. Улуу Жеңиштин 70 жылдыгы белгиленди. Андан сырткары Сириядагы атайын операциялардын башталышы, Париждеги теракт жана Түркиянын деңиз жээгинен 3 жаштагы Айландын сөөгүнүн табылышы менен жүрөктүн үшүн алды.
Ошондой эле, ФИФАдагы жаңжал, Египетте учактын кулашы жана башка окуяларды Sputnik Кыргызстан маалымат агенттигинин сүрөт түрмөгүнөн тааныша аласыздар.
Улуу Жеңиштин 70 жылдыгына арналып Москва шаарында өткөн парад. Бул маданий иш-чара Россиянын жаңы тарыхындагы эң ириси болуп эсептелет. Ага 16,5 миң аскер, 200 аскер техникасы, 140 учак жана тик учактар катышты. Парадга 30га жакын мамлекеттин башчылары келди
Тбилиси шаарында 14-июндагы нөшөрлөгөн жаан. Жамгыр үйлөргө, жолго жана шаарга бир топ чыгым алып келди. Шаардагы зоопарк да жабыр тарткан. Кээ бир жаныбарлар зоопарктан качып кеткендиктен аларды атып өлтүрүүгө туура келген. Аталган жайдан 277 жаныбар жоголгон
Ыктыярчылар Грециянын Лесбос аралындагы куткаруучулардын кийген күрмөлөрүн аралап өтүшүүдө. Качкындардын негизги бөлүгү Түркия аркылуу Греция келип, андан ары Европанын башка мамлекеттерине кетишет. Миграция боюнча эл аралык уюмдун маалыматы боюнча жыл башынан бери 580 миң киши деңиз аркылуу Европага келген. Чек ара боюнча EC Frontex чек ара агенттигинин маалыматына ылайык, он ай ичинде Европага 1,2 миллион мигрант келген. Бул экинчи дүйнөлүк согуштан кийинки эң ири миграциялык кризис
Деңиз толкуну жээкке сүрүп чыгарган үч жаштагы Айлан Курди, Түркиянын Бордум аймагы. Бир катар дүйнөлүк ЖМКлар үч жаштагы Айландин сүрөтүн жарыялап, качкындар маселесине тереңден көңүл буруу керектигине чакырган. Айлан менен кошо 12 сириялык качкын чөгүп кеткен. Алар Түркиядан Грецияга деңиз аркылуу баратканда кайык аңтарылып кеткен
Мекке шаарындагы тепсендиде калып каза болгон зыяратчылар. 24-сентябрь. Бул каргаша Мина өрөөнүндө шайтанга таш ыргытуу ибадаты учурунда болгон. Анда 769 киши каза таап, 863 зыяратчы жаракат алган
Су-34 бомбалагычынын учкучтары. "Хмеймим" аба базасы, Сирия, 3-октябрь. Сентябрь айынын аягында Россия "Ислам мамлекети" террордук тобуна жана башка экстремисттик күчтөргө каршы күрөшүү боюнча жаңы фронт ачкан. Буга чейин "Ислам мамлекети" тобуна каршы 60 мамлекеттен турган атайын коалиция аракеттерди көрүп келген. Россиянын аскер-космикалык күчү Сириянын президенти Башар Асаддын суранычы менен террорчулардын объектилерине 30-сентябрдан тарта даректүү аба соккуларын жасап келет
Le carillon ресторанынын жанына жарандар гүл коюп жатат. 13-ноябрда согушкерлердин тобу Парижде жана шаардын тышындагы Сен-Дени аймагында бир нече терактылар жасашкан. Франция менен Германиянын футбол командалары беттешип жаткан "Стад де Франс" стадионунун жанында жана кафелерде да жарылуу болгон. Жалпысынан терактыдан 130 киши каза болуп, 350сү жаракат алган
Никарагуанын тургундары шайлоо системасын реформалоону талап кылып жүрүшкө чыкты. Алар келерки жылы боло турчу президенттик шайлоо алдында шайлоо мыйзамдарына өзгөртүү киргизүүнү талап кылышты. Себеби, учурдагы президент Даниэль Ортега үчүнчү жолу президент болууга бел байлап жатат
Бразилиянын түштүк-чыгышындагы Минас-Жерайс штатындагы дамба бузулду. Жалпысынан 62 чакырым чарчы метр жер жана Досе дарыясынын 500 чакырымы булганды. Дамбанын бузулушунан 13 киши өлүп, 10 киши дайынсыз жоголгон. Экологдор келтирилген зыянды жоюу үчүн 100 жыл керектеле турганын айтышууда
Россия менен АКШнын президенттери Владимир Путин менен Барак Обама БУУнун Башкы ассамблеясынын 70-жыйынынан кийин. Нью-Йорк, 28-сентябрь. Алардын жолугушуусу бир жарым саатка созулган
Когалымавиа" компаниясына таандык Airbus A321 учагы Синайда кыйрады. Шарм-эш-Шейхтен Санкт-Петербург шаарына багыт алган учак 31-октябрда кулап түшкөн. Анын ичиндеги 224 кишинин баары каза болгон
ФИФАнын башчысы Йозеф Блаттер Цюрихтеги маалымат жыйында, 20-июль. Британиялык куудул Саймон Бродкин (лакап аты Ли Нельсон) Блаттер отурган жерге жакындап "Бул сага 2026-жылы Түндүк Кореяда дүйнөлүк чемпионатты өткөрүү үчүн" акчаны ыргыткан
