БИШКЕК, 29-дек. — Sputnik. Премьер-министр Темир Сариев "Мамлекеттик камсыздандыруу уюму" ачык акционердик коомун түзүү боюнча токтомго кол койду.
26 Жетинин айы 2015, 14:01
Аталган мекеме табигый кырсыктардын кесепетинен жок болгон же бузулган мүлктүн ордун толтуруу үчүн экономикалык шарттарды түзүү максатында негизделип жатканы айтылууда.
Мамлекеттик мүлктү башкаруу фонду уюмдун негиздөөчүсү болуп, уставдык капиталы 50 миллион сомду түзөт. Мында 500 миң энчилүү акция чыгарылышы күтүлүүдө.
Мындан тышкары, токтомго ылайык, президенттин жана өкмөттүн иш башкармалыгы уюм жайгаша турган административдик имарат дайындоо милдеттендирилген.
Токтомго кечээ кол коюлуп, расмий жарыялангандан 15 күндөн кийин күчүнө кирет.
