БИШКЕК, 26-ноя. — Sputnik. Кыргызстанда автоунаа жана турак-үйлөр толугу менен камсыздандыруу системасына өтүшү керек деп билдирди премьер-министр Темир Сариев парламентте.
"Учурда мамлекеттик камсыздандыруу боюнча мыйзам даярдалып жатат. Кыргызстандыктар өлкөдө катталган үйлөрү менен автоунааларын милдеттүү түрдө камсыздандырышы керек. Эгерде жаратылыш кырсыктарына кабылса, каражат жеткиликтүү түрдө төлөнүп берилет",— деди Сариев.
Камсыздандырууну менчик компаниялар эмес, мамлекеттик ишкана алып барарын айткан премьер, камсыздандыруу системасы 2016-жылдын 1-январынан тарта иштей баштарын билдирди.
Премьер 17-ноябрда Ош облусунда болгон жер титирөөдө ураган үйлөрдүн 90 пайызы эски, жерпайы жок, жыгач менен ашталбагандыгын, айрымдарынын топурагына саман да кошулбаганын айтты.
