БИШКЕК, 18-дек. — Sputnik. Мамлекеттик каттоо кызматы Калкты жана жарандык абал актыларын каттоо департаменти көрсөткөн кызматтардын баасын бекитти. Бул тууралуу аталган мекеме билдирүүдө.
Маалыматка ылайык, республиканын ар аймагында райондук ЗАГС бөлүмдөрүнөн тыш никени каттоо 1265 сомдун тегерегинде болсо, Бишкек жана Ош шаарларында ЗАГС бөлүмдөрүнөн тышкары нике каттоо салтанаты 2565 сомдун чегинде каралды.
Ал эми ЗАГСтын райондук бөлүмдөрүндө нике каттоо жараяны 556 сомго бааланса, Бишкек шаарындагы Бакыт өргөсүндө салтанаттуу нике каттоого 1732 сом төлөнөт.
Баалар өкмөттүн токтомуна ылайык бекитилди.
