БИШКЕК, 18-дек. — Sputnik. Улуттук статистика комитети интернет сайттарын мамлекеттик тилде түзүүгө буйуртма берген компанияларды аныктады. Sputnik агенттигин алардын рейтингин түздү.
- Мамлекеттик органдар. Туптуура 100 мекеме-ишкана сайтын кыргыз тилинде түзүптүр. Ал эми орус тилиндегиси 62 болуп чыкты.
- Финансылык жана камсыздандыруучу компаниялардын сайты — 61. Ушул эле санда орус тилинде бар экен.
Кыргыз тилдүү жалпыга маалымдоо каражаттарынын 29 сайты ачылган. Айтмакчы, бул багыттагы сайттар орус тилинде төрт эсе көп. Белгилей кете турган жагдай, мындай порталдардын саны азайып барат. Беш жыл мурда 800гө чукул болучу.
Кайра иштетүү менен алектенген ишканалар кыргыз тилинде 28 ресурс ачыптыр. Бул жааттагы сайттардын саны жалпылап алганда жүзгө чукул.
Учурда техникалык жана илимий багыттагы 28 сайт бар, ал эми орус тилинде — 113
Базарлардын, дүкөндөрдүн кыргыз тилиндеги сайты 24. Ал эми расмий тилдегиси 150.
Медициналык порталдар. 28 сайт кыргыз тилинде ачылыптыр. Орус тилиндегиси да ушул эле санда.
2015-жылдын башына карата эсептегенде өлкөдө бир жарым миңге чукул сайт болсо, анын 356сы мамлекеттик тилде ачылган.
