БИШКЕК, 15-дек. — Sputnik. Биринчи Май райондук соту тарабынан Кыргызстандын аймагына жалпы жонунан 125 килограмм героин алып кирген түркиялык жарандарга карата эркинен ажыратуу жана мүлкүн конфискациялоо чечими чыкканын Жогорку сот билдирди.
Төртөө тең Түркия жарандары болуп саналат. Баңгизатты жашыруун алып кирүү үчүн унаага сатуу үчүн эмерек жана матрастар жүктөлгөн. Жүк Түркия — Иран — Түркмөнстан — Өзбекстан — Тажикстан — Кыргызстан маршруту боюнча келген.
"Аталган баңгизат алдын ала сүйлөшүү менен Кыргызстандын аймагына Мехмет Атабан, Невруз Ертосун, Фикрет Ертосун жана Салман Ертосун аркылуу кирген", — деп айтылат билдирүүдө.
Биринчи Май райондук соттун чечиминин негизинде мүлктөрүн конфискациялоо менен Невруз Ертосунду 19 жылга, Фикрет Ертосунду 21 жылга, Мехмет Атабанды 23 жылга кести. Төртүнчү жаран Салман Ертосун жүктү Өзбекстанга чейин жеткирип, Кыргызстандын аймагына кирген эмес. Кылмышкерлер күчөтүлгөн тартиптеги түзөтүү колониясында жаза өтөйт.
